Տեսանկյուն Տեսանկյուն

Տավուշի մարզի անկախ լրատվական

Ավտովթարի հետեւանքով Գանձաքարի բնակիչը մահացել է, նրա համագյուղացին վիրավոր է (լուսանկարներ)


Հոկտեմբերի 15-ին խոշոր ու ողբերգական ավտովթար է տեղի ունեցել Տավուշի մարզում։

Ինչպես հայտնում է Shamshyan.com-ը, ժամը 17։40-ի սահմաններում Porsche Cayenne 18 QA 800 համարանիշի ավտոմեքենայի վարորդը Երևան-Իջևան ավտոճանապարհի 113 կմ հատվածում՝ դեպի Իջևան ընթանալիս, դուրս է եկել ճանապարհի երթևեկելի գոտուց, բախվել երկաթե արգելապատնեշներին և մոտ 30 մետր մի քանի պտույտ շրջվելով՝ հայտնվել ձորակում։

Վթարի հետևանքով 1 հոգի տեղում մահացել է, իսկ 1 հոգի մարմնական վնասվածքներով տեղափոխվել է «Իջևան» բժշկական կենտրոն։ Փաստի առթիվ հարուցվել է քրեական գործ։ Ոստիկաններն ու քննիչները պարզել են, որ մահացածը Տավուշի մարզի Գանձաքար գյուղի բնակիչ, 35-ամյա Էդգար Վանեսյանն էր, ում դին հայտնաբերվել է ավտոմեքենայից դուրս, իսկ վիրավորը նրա համագյուղացի, 43-ամյա Արման Իսկանդարյանն է։

Ոստիկանությունն ու քննչական բաժինը պարզում են վարորդի, մահացածի և վիրավորի ամբողջական տվյալները, ինչպես նաև՝ ով է ավտոմեքենան վարել և ում անունով է հաշվառված այն։ Քննիչի հանձարարականով ավտոմեքենան, որը վերածվել է մետաղե ջարդոնի, վերամբարձ կռունկի միջոցով տեղափոխվում է ոստիկանության Դիլիջանի բաժնի պահպանվող հատուկ տարածք։

Առավել մանրամասն՝ սկզբնաղբյուրում:

 

«Տեսանկյուն»-Մինչ  նյութը մեր կողմից հրապարակելու պահը ՀՀ ոստիկանությունը եւ ԱԻՆ-ը ողբերգական այս ավտովթարի մասին իրենց պաշտոնական  կայքերով  տեղեկատվություն չեն հաղորդել; Այդ պետական կառույցները շարունակում  են հանրությանը ժամանակին չտեղեկացնելու  իրենց արատավոր գործելակերպը,չնայած  Հայաստանում մեկուկես տարի առաջ  օրինականություն ու կարգուկանոն  հաստատելու կարգախոսով հեղափոխություն է եղել;

 

Հրապարակվել է։ 06:01 16/10/2019